حوار صحفي مع الشاعر: محمد عزب، بقلم الكاتبة الصحفية: إسلام إيهاب
كتبت إسلام إيهاب:
_ هنا أتيتُ بموهبة عظيمة مالت إلى الشعر العامي ومن ثم ارتقت به، حديثنا اليوم عن شاعرٍ أعطاه الله الموهبة، ونمّاها حتى حاز على العديد من الشهادات التي أثبتت قوة قلمه، وهو الشاعر محمد عزب، ابن محافظة الأقصر، يقيم في القاهرة، دعونا نتعرف عليه بشيءٍ من التفصيل..
_ نتعرف على حضرتك أكتر!
= أكيد، أنا الشاعر محمد عزب، عندي 23 سنة، خريج كلية حقوق، جامعة حلوان، حاصل على ليسانس حقوق جامعة حلوان عام 2022.
_ امتى بدأت في مجال الشعر؟
= من سنة 2016 كنت بكتب حاجات بدائية.
_هل الشعر موهبة أم هواية؟
= لا الحمدلله موهبة.
_ ما مميزات الشاعر المثالي من وجهة نظرك؟
= قارئ جيدًا متوسع الُافق واعي ومثقف مدرك الفهم ذو تجارب انسانية كثيرة يهوى القراءة والكتابة واهم شيء يكون ذو علم بالمجتمع حتى لو اميًا.
_ كل شخص في بداية طريقة بتواجهه صعوبات، فهل واجهتك أي صعوبات؟
= اي كانت هذه العقبات ولكن واجهتها بصدر رحب وان كان العقبه بسلب ايجابي احاول اجدد من كتاباتي واخذه مثل النصيحه واعمل بها.
_ هل صادفك حد وقلل من موهبتك؟
= لا الحمدلله، محصلش.
_ احكيلنا عن إنجازاتك في مجال الشعر.
= اه الحمد لله كتبت اول ديوان باسمي يحمل عنوان دستور الشعر وكان ف معرض الكتاب عام 2022 والحمد لله خرج من المعرض بمبيعات ومعجبين للون شعريه مرُضيه وخرج لبلاد عربيه منها ليبيا و العراق والاردن والحمد لله.
_ ايه طموحاتك الفترة الجاية؟
= انجح.
_ وإليكم بعض من أشعار الشاعر محمد عزب...
مش مكفيكي
حلم دايب من سنين
ولا اقولك ع اللي حاصل
من يومين
ولا ارسلك حكاوي العاشقين
جوا ابيات القصيده
رغم بعدك لقيت وحدتي
ف ضلمه عاتمه
بكتب قصتي
بدموع عيون
اه ياغايب من سنين
بحلم دايب
ف بحوووور
عاشقين
وحبي ليكي
برغم
السنين اللي مابينا
بردو زايد
ينعل الحب دوتْ
خلى قلبي يذيد التهاب
وبرغم البعاد
حبي ليكي ف الطيب
يقرب
عيشي ثانيه من الذكريات
وفكري
ولا اقولك
بلاش تفكري
لان عقلك داب وسوس
حذني ليكي مكنش عادي
حذني دا احطياتي
وانا ذي مانا
ف انتظار حب تاني
يمحي علامات اللي جرا
ويكتب سطور متلونه
اصل حبي كان بالرصاص
وانا حبي بالجاف مابيتمسحش
وف انتظار نن عيني
اللي هيمسح ماضي
باستيكة رصاص
وافضل اكتب
ف ضلمه عاتمه
اني حبك كان مذيف
لمنو فايده
وتفضل ذكرياتي
بقلم
الرصاص
ومن هنا
حان وقت
اتخاذ القرار
وبعلن رايه
الانتصار
#وعزبي
ـــــــــــــــــــــــــــــــــــــــــــــــــــــــــــــــ
بكلمني
م عادي يامعلم
الدنيا بتألم!؟
دا لسه فيه كلام
ولسه الدنيا بضيق
عشان تطلع بناس جدعان
يتبلع ليهم الريق
م عادي يامعلم
لسه بتفكر ف اللي وجعك
دا اللي وجعك ياواد دا زمان
م عادي يامعلم اديك بتتعلم
وتغلط ف الحياه ف تشوف
الصح من غلطه
وتشوف الغنا مواويل بب
بس تختار من الموال
نضيف لحنه
م عادي يامعلم
شوفت اللي حب وسبته
ومسكت ف اللي مش شايفك
مش عادي يامعلم
متتبترش ع اللي شاريك
دا هو الوحيد ان الدنيا
هتقولك انه باقي عليك
تعبت!؟
م عادي يامعلم
شقا الدنيا ف عناوينها
شقا الناس ف قلوبها
قلبك باهت مش قادر
م عادي يامعلم
قوم بس وبطل تتكابر
وافهم حواديت الدنيا
حدوته حدوته
ي تطبل عليها وتزمر
ياتفضها سيره واتلم
اه اتلم
دا انا
وسط زحام الفكر بسرح
بفكر ف لون عيون
وان حبي كون
مرسوم ف دنيا
وسط فرحه
ف اوضه واسعه
بدوايا لون
كنت فاكر
هي شمسي ف شهر طوبه
هي ضحكه ف ليله سوده
ف النهايه
داب الحب هذا
والمرار كان بالزياده
ف النهايه
لي تخلي الكل يضحك
ع اللي حبك
وع اللي ودك
ب عقد عرفي
دنا
عشت عمر شهور ساعات
كنت بكتب ذكريات
دنا
كنت فاكر
هشوف خيال البال حقيقه
واشوف وجع القلب
اوفا من عنيها
كنت فاكر
لما اعطش
هتبل ريقي
من دموع عنيها
وكنت بكتب لجل عودها
والخدود الحمر دولا
وف جمالها بلحن
عود
بحكي ليها
الشمس تبعد حبه حبه
والشروق يستخبى
والظلام يبقا نور
والانين مسكون بعود
والالم ميشفهوش دوا
والحياه تبقا حلوه
والنظر سته سته
والطريق بدون اشاره
والشوارع هاديه جداً
والصحاب بتذم بعضاً
والقريب ميحسدش ابداً
والطير ملوش دليل
هتفضل قمر لطول سنينك
والحياه حلوه فيكي
يا
امل
بكرا
ليكي
دنا شوفت العمر ف حب كاذب
كنت فاكر انه حقيقي
شوفت القطر ماشي حبيب
وساعات قلااااب زي البشر
طبعه غريب
شوفت حبيب
وشوفت غريب
وسبت حبيب
ومسكت غريب
وخد القلم
ع سداغي
بس كان بمزاجي
اني اتعلم الصح ف الحدوته
واني اسمع كلام الناس
ف اسمع كلامي
ف النهايه الحب عادي
اوعا تجري ورا حب زايف
دي الحياه شي مش اساسي
اوعا تبقا عبيط ياواد
و تبقا ف خانة الحب مايل
بس
خليك
تملي
ل
كلامي
فاكر
ماعادي يامعلم
الدنيا بتألم
وعـــــــــــــــزبــــــــــــي
ـــــــــــــــــــــــــــــــــــــــــــــــــــــــــــــــ
يا دنيا حالك ردي
ضاربه الأصيل بالجوز
ف الحُر وبتعندي
وتراضي ف الأرجوز
ضاحكه ومتبسمه
للى معاه المال
واللى ماشيكي شمال
تمللى فيكي يفوز
يادنيا مالك كدا
حالك بقا اهوج
شمتي فينا العدا
والرخيص والأعوج
شرف الزمان انباع
وع الاصل بندووور
تعبنا من التدوير
ورجولنا دابت رمل
يادنيا حالك ردي
متقولي فين الحل
يادنيا فيكي العوج
اسطوره متناصر
نفوذ الفقير انحل
وتملي بيعاصر
ديما يشوف الذل
وحكايته تواريخ
اسبوع وشهر وسنه
وعمره ماتناصر
يادنيا حالك عوج
شمتي فينا الناس
قالوا الفقير غلبان
وعوجك ف يوم ينحل
بمقوله الخسران
اني النهايه امانه
اني العداوه خصام
اني الفقير غلبان
واني الاسود بتعافر
يادنيا حالك ردي
ضاربه الاصيل بالجوز
ف الحر وبتعندي
وتراضي ف الاراجوز
وعزبي
ــــــــــــــــــــــــــــــــــــــــــــــــــــــ
العشم
قفلت باب العشم مش هفتحه تاني
قلبي بحزنه اتوشم والجرح قوااني
بتبكي ليه ياعين ع اللي باعوكي
ماليه الدموع بحرين والكل خدعوكي
لو كنتي غاليه يا عين مكانوش نسيوكي
غلطان يا قلبي وانت اللى تستاهل
نزلت بحر العشم وفضلت تتساهل
ومانتاش خبير بالعوم نيران يا موج اللوم
واللى اتلسع أول منك يخاف تااني
وعزبي
18/يوليو2022
ـــــــــــــــــــــــــــــــــــــــــــــــــــــــــــــــ
_ وفي الختام أتمنى أن يكون الحوار نال إعجابكم وبالتوفيق لكم وللشاعر في حياته القادمة.
ـــــــــــــــــــــــــــــــــــــــــــــــــــــــــــــــ
كانت معكم المحررة الصحفية: إسلام إيهاب..
من تيم على ناصية الشعر.
عاش وبالتوفيق دائما
ردحذف