شعراء على الطريق ...
حوار مع الشاعرة اسماء سامح ...
تيم على ناصية الشعر :
_نتعرف بيكي؟
أسماء سامح سالم بينادوني "بسمة أمل"
مواليد 2/6/2003 محافظة البحيرة
نشأت ف قرية "زهور الأمراء" قريه ريفيه تابعه ل"مركز الدلنجات"
_ما هي تجاربك مع الشعر؟
حياتي كانت ومازلت مليئة بالعقاب والصعوبات
ودا كان دافع أساسي إنّي أكتب وأدخل مجال الشعر
وكانت أجمل تجارب حياتي بقا القلم وريد والكتابه دم بيسري جوايا كتير
انطفيت وانعزلت عن كل حاجه حتى الكتابه بس رجعت تاني
واتحديت كل الظروف قررت أكمل للنهايه ...
_امتى كتبتي الشعر وهل فيه عقبات واجهتك؟
بدات الكتابه بالخواطر"مشاعر" مكتبتش شعر موزون غير في سن ال 15 عام
واجهتني عقبات كتيره أكبرها خوفي وعدم ثقتي بقدراتي بس تخطيت كل دا
مع التشجيع وحضور الندوات خوفي اختفى بقيت اقوى بقى عندي ثقه ف قدراتي
وإني اكيد ف يوم هوصل العقبات كتيره
وما انتهتش بس مازال ف قلبي يقين إنّي هوصل .
_مين مثلك الأعلى من الشعراء ؟
أستاذي "ابراهيم زهران" مثلي الأعلى يكفي انه شجعني وعلمني إزاي اكمل صح
_ممكن تعرضى علينا قصيدة بتحبيها ؟
طبعا
عندى قصيدة بحبها كتبتها فى حب الوطن قصيدة ( شهيد ) كانت بتقول :
نظرة عيوني رَصاص
لساني سيف للحق
أخدوني قال إنصاف
والظلم مالي الخلق
لو فاكر إني هموت
يبقا نسيت الوعد
ووعدي أنا صبّار
ومش مجرد ورد
يا دنيا شوفت عذاب
ما كفايا ذل وقهر
سامحيني يمّا هغيب
عن بيتي يوم أو شهر
نسجوا خيوط العار
وقت أما نسيوا الفرض
ما تبكي يمّا خلاص
بكرا تعود الأرض
بكرا هيجي معاه
إبنك فـ وقت الحرب
وقت أما أخدوا سلاح
قتلوا طيور الحب
ما هو بكرا زي إمبارح
وأنا صوتي مبيظهرش
قالولي سلم أرضك
وأنا مصري مبسلمش
أنا مصري سلم روحُه
عـَ الأرض مبينزلش
______
_شكرا يااسماء استمتعنا بالحوار معاكى
شكرا ليكم قدرت اخرج اللى جوايا ..
حوار تيم على ناصية الشعر ...
حوار جميل و قصيده جميله مضمونها و كلمتها و الاسلوب التعبيري رائع
ردحذفالله يوفقك و يوفقنا جميعاً
"تيم.على ناصية الشعر"
تسلمى يارب شكرا لذوقك
حذفما شاء الله يا حبيبتي 💛✨ اللهم بارك عليكِ 💛💛😍 ربنا يحفظك ويوفقك ويكرمك من واسع فضله ويحقق لك كل الخير يارب 💛💛💛💛😍
ردحذفماشاء الله عليكى كلامك قمر زيك ربنا يوفقك استمرى بالتوفيق يا قلبى❤❤❤😍😘
ردحذف